(Видео) Надреални сцени од Белата куќа, Трамп ги испрашуваше Игор Тудор и играчите на Јувентус за трансродовите лица, следеше непријатна тишина

19.06.2025 10:16
2,763 Читање помалку од 1м

Неколку играчи на Јувентус, заедно со тренерот Игор Тудор и претседателот на ФИФА, Џани Инфантино, ја посетија Белата куќа пред натпреварот од Светското клупско првенство на ФИФА против Ал Аин, каде што американскиот претседател Доналд Трамп ги пречека со неколку необични прашања.

Според „Про Сокер Вајр“, тој зборуваше за имиграцијата, забраната за трансродови лица да се натпреваруваат во спортот и можноста за војна со Иран, меѓу другото.

 

Тој се обиде да ги вклучи играчите во дискусија за забраната за спорт, прашувајќи ги дали мислат дека жена може да игра за нивниот тим, додека тие стоеја зад него. Следеше нервозен смеа и тишина.

Напнатоста конечно ја прекина генералниот менаџер на Јувентус, Дамиен Комоли, кој одговори дека Јувентус веќе има многу добар женски тим.

– Гледате? Тие се многу дипломатски – коментираше американскиот претседател.

Посетите на спортските екипи на Белата куќа не се ништо необично, а победничките екипи редовно се поканети да го прослават својот успех со претседателот.

 

Back to top button
Close