Кан воведува забрана за крузери со повеќе од 1.000 патници

Летувалиштето Кан на француската ривиера воведува пропис кој градскиот совет го нарече „драстичен“, откако од идната година на крузерите со повеќе од 1.000 патници ќе им биде забрането да се вкотват во градот.

Градот во кој се одржува престижниот филмски фестивал се приклучи на растечкото движење против масовниот туризам, во чии рамки беа одржани протести поради венчавката на милијардерот Џеф Безос и Лорен Санчез во Венеција, како и демонстрации во Шпанија и ненадеен штрајк во музејот Лувр.

Советниците на градските власти на Кан во петокот изгласаа дека во пристаништето ќе можат да влезат само бродови со помалку од 1.000 патници, како и дека во него ќе можат да влезат само 6.000 луѓе дневно.