Трамп: Пентагон ќе стане Министерство за војна

Американскиот претседател Доналд Трамп изјави дека администрацијата во Вашингтон во следните денови ќе го промени името на Министерството за одбрана во Министерство за војна со цел на Пентагон да му се врати „воинствениот етос“.

Политико потсетува дека официјалното име на Пентагон по Втората светска војна беше Министерство за војна, а Трамп и претходно ја критикуваше промената на името во Министерство за одбрана.

-Кога ја добивме Првата светска војна, Втората светска војна, се викаше Министерство за војна. И за мене, тоа е навистина тоа што е“, рече Трамп на прес-конференција со јужнокорејскиот претседател Ли Џе-мјунг.

Министерство за војна постоело од 1789 до 1947 година, кога администрацијата на претседателот Хари Труман го поделила одделот на Армија и Воздухопловни сили и го споила со тогаш независната морнарица.

Труман ја именуваше новата агенција на ниво на кабинет како Министерство за одбрана и имаше намера промената на името да му даде на шефот на Пентагон поцентрализирана власт над одделните гранки на војската, особено Морнарицата, која уживаше значителна независност до крајот на Втората светска војна.

Трамп во последните недели ја навести можноста за враќање на името, нарекувајќи го министерот за одбрана Пит Хегсет за свој „министер за војна“ на самитот на НАТО во јуни.

„Ако ја погледнете старата зграда до Белата куќа, можете да видите каде беше министерот за војна“. Потоа станавме политички коректни и тие го нарекоа министер за одбрана“, рече Трамп, нагласувајќи ја важноста и на одбраната и на офанзивата.