Кина ги обвини САД за кибер напади врз Националниот центар за време
Кина ги обвини САД за кибер напади врз Националниот центар за време, институција задолжена за генерирање, одржување и емитување на стандардното време во Кина, пренесуваат денеска кинеските медиуми.
Официјален Пекинг ги обвини САД за кражба на тајни податоци и инфилтрирање во центарот предупредувајќи дека овие кибер напади би можеле да ги нарушат комуникациските мрежи, финансиските системи, снабдувањето со електрична енергија и меѓународното стандардно време.
„Веќе долго време, Агенцијата за национална безбедност на САД спроведува операција за кибер напад против Националниот центар за време“, соопшти Министерството за државна безбедност на Кина на својот профил на мрежата WeChat.
