Претседателски избори во Боливија

По речиси две децении левичарски влади во Боливија, јужноамериканската земја е на работ на политички промени, а денешниот втор круг претседателски избори ќе го одреди идното раководство на земјата, јави ДПА.

Со оглед  на тоа што ниту еден кандидат не го постигна потребното мнозинство во првиот круг од гласањето, сенаторот Родриго Паз Переира од Христијанско-демократската партија и поранешниот претседател Хорхе Кирога од десничарскиот Алијанса за слобода и демократија сега се соочуваат еден со друг.

Боливија е заглавена во длабока економска криза, со висока инфлација, недостиг на гориво и девизи, како и недостиг на лекови.

Претходните влади на левичарското Движење за социјализам со години во голема мера се потпираа на субвенции, што го оптоваруваше државниот буџет. Руралните и домородните области беа особено погодени, со социјални тензии и чести протести.

Поранешниот претседател Ево Моралес и сегашниот претседател Луис Арсе не се кандидираат. Моралес се соочува со налог за апсење, додека Арсе се повлекува поради намалената популарност.

Двајцата кандидати од опозицијата се фокусираат на економска либерализација и умерени реформи: Паз Переира се стреми да ги олесни инвестициите и да ги модернизира институциите, додека Кирога планира либерализација, селективна приватизација и постепено намалување на субвенциите за гориво.

Изборната комисија има за цел да преброи и објави 90 отсто од гласовите во изборната ноќ. Победникот ќе ја преземе функцијата во ноември со петгодишен мандат.