Повеќе од 1.000 пациенти починаа во Газа додека чекаа медицинска евакуација

19.12.2025 14:32

523 Читање помалку од 1м

Повеќе од 1.000 пациенти починаа во Газа од јули 2024 година до крајот на ноември оваа година додека чекаа медицинска евакуација, објави денеска Светската здравствена организација (СЗО).

epa12069095 Internally displaced Palestinians gather to receive a portion of food from a charity kitchen, in Jabalia, northern Gaza Strip, 02 May 2025. According to the UN Palestinian refugee agency UNRWA, over a million people across the Gaza Strip are experiencing ‘high levels’ of acute food insecurity, with acute malnutrition several times higher than before the war. The UN estimates at least 1.9 million people (nine in ten) are internally displaced. EPA-EFE/MOHAMMED SABER

„Од јули 2024 година до 28 ноември 2025 година, 1.092 пациенти починаа додека чекаа медицинска евакуација“, изјави генералниот директор на СЗО, Тедрос Аданом Гебрејесус, на социјалната мрежа „X“.

Тој додаде дека бројката дадена од Министерството за здравство на Газа најверојатно е помала од реалниот број на пациенти кои починале, објави „Ле Фигаро“.

Директорот на СЗО, исто така, рече дека организацијата и нејзините партнери евакуирале повеќе од 10.600 критично болни пациенти од Газа од октомври 2023 година.

Тој рече дека повеќе од 5.600 од нив се деца на кои им е потребна интензивна нега.

Според податоците на СЗО, медицинските евакуации се уште се итно потребни за повеќе од 16.500 жители на Газа.

Гебрејесус, исто така, повика повеќе земји да прифатат пациенти од Газа и во исто време повика на продолжување на медицинските евакуации на Западниот Брег, вклучувајќи го и Источен Ерусалим.

Крвкото примирје во Газа стапи на сила на 10 октомври со посредство на САД, но медицинските евакуации сè уште не се одвиваат доволно брзо, објави весникот.