Вучиќ за најавената посета на делегацијата на ЕП: Никој не ги покани во Србија, не сакам да ги видам

Српскиот претседател Александар Вучиќ изјави дека делегацијата на Европскот парламент не е повикана од никого во државата и тој нема да има средба со нив, но никого не избегнува.

Вучиќ, кој е во Абу Даби за Неделата на одржливост, вели дека „оние што ја мразат Србија рекле дека на 20 и некој јануари ќе дојдат во Белград“.

– Тие никого не прашаа, ниту нè информираа. Никој не ги покани и тие доаѓаат непоканети. Тие самите одлучија да дојдат тогаш, а јас имам закажано разговори во Давос во тој период и тоа пред пет месеци. Велат дека ја избегнувам средбата. Не ја избегнувам, не ми паѓа на памет да губам време и да се сретнам со Пицула. Имам време да се сретнам со оние што ѝ посакуваат добро на Србија, но не сакам да ги видам овие и не сакам да разговарам со нив – рече тој.

Претседателката на парламентот, Ана Брнабиќ, вчера изјави дека делегацијата на Европскиот парламент доаѓа без покана и дека нема да се сретне со нив бидејќи ќе бидат во посета на Естонија.

Делегацијата на ЕП ќе биде во Белград од 22 до 24 јануари.