Во сообраќајка загина екс голман на Јувентус и Арсенал

Поранешниот голман на австриската репрезентација, Александар Манингер, почина во Салцбург.

Фудбалскиот свет беше потресен од веста за смртта на Александар Манингер. Поранешниот голман на Јувентус и Арсенал го загуби животот во сообраќајна несреќа на 48-годишна возраст.

Според информациите од локалната полиција, трагедијата се случила на незаштитен премин на локалната железница во Салцбург, во Нусдорф на Хаунсберг. По несреќата, неговиот поранешен клуб Јувентус се огласи и преку социјалните мрежи.

За време на својата кариера, Манингер остави длабок белег, особено во Арсенал, каде што влезе во историјата како прв Австриец кој играл за овој клуб. Во сезоната 1997/98, тој беше дел од генерацијата што ја освои Премиер лигата и ФА Купот. Иако подоцна го загуби местото прв избор на голман од Дејвид Симан и Ричард Рајт, тој го напушти Хајбери во 2002 година со голем успех зад себе.

После тоа, тој ја продолжи својата богата кариера низ Европа, менувајќи голем број клубови. Бранеше за Торино, РБ Салцбург, Удинезе и Јувентус, а потоа повторно се обиде во Премиер лигата. Откако го напушти Аугсбург во 2016 година, тренираше со Ливерпул за да остане во форма додека бараше нов договор.

Манингер беше еден од најуспешните австриски голмани на својата генерација. Тој доби меѓународно признание токму во Арсенал, каде што како замена за Дејвид Симан, ја искористи можноста и даде значаен придонес во освојувањето на двојната круна со самоуверени настапи.