Лажно се претставил како лекар, па на пензионер му украл 10.000 евра

Лажен лекар измамил 83-годишен пензионер од областа Кастав (Хрватска) за 10.000 евра, откако го убедил дека неговата ќерка е тешко повредена и дека ѝ е потребна итна операција. Ова го соопшти полицијата на Приморско-горската жупанија, апелирајќи до граѓаните да бидат внимателни при комуникацијата со непознати лица.

Жртвата примила неколку телефонски повици од маж кој се претставил како лекар на неговата ќерка, кажувајќи дека таа е тешко повредена и дека ѝ е потребна итна операција која чини неколку илјади евра.

За време на разговорот, лажниот лекар со странски акцент побарал од жртвата да ги собере сите пари што ги има дома, а неговиот колега ќе дојде да ги земе. Не сомневајќи се на измама, оштетениот во четвртокот му ги предал своите заштеди во износ од 10.000 евра на непознато лице.

Полицијата уште еднаш ги предупреди граѓаните да бидат многу внимателни при комуникацијата со непознати лица.

Полицијата ги повика членовите на семејството и роднините на постарите лица дополнително да ги предупредат за ова.