Бројот на жртви во Венецуела се искачи на 4.118, речиси 18.000 луѓе останаа без дом

Бројот на загинати во двата разорни земјотреси што ја погодија Венецуела на 24 јуни се искачи на 4.118, соопшти претседателот на Националното собрание, Хорхе Родригез.

Според најновите официјални податоци, во катастрофата се повредени 16.740 лица, додека 17.907 останале без своите домови. Во однос на претходниот извештај, бројот на повредени и раселени не е променет.

Двата силни земјотреси со магнитуда од 7,2 и 7,5 степени според Рихтеровата скала најтешко ги погодија главниот град Каракас и крајбрежниот регион Ла Гуаира.

По главните потреси биле регистрирани повеќе од 600 последователни потреси со помал интензитет, што дополнително ги отежнало спасувачките операции и ја влошило состојбата во погодените подрачја, објави Скопје1.мк