СП 2026: Норвешка се подготвува за нова победа против фаворит

Нова пресметка за пласман во полуфиналето ќе има вечерва во Мајами Англија против Норвешка (почеток 23 часот). Тоа ќе биде дуел на уште две европски репрезентации.

–   Тие се фаворити, но не се големи. Сметам дека Англија е под поголем притисок од нас, но кога ќе почне натпреварот играчите не мислат на притисок. Бразил и Англија се може двете најголеми фудбалски нации со кои можеме да играме. Не е никаква тајна дека Кејн е нивниот најдобар играч, а Ерлинг (Халанд) кај нас, кој ни носи победи, но не ги потценувајте и другите наши фудбалери, изјави селекторот на Норвешка Стале Солбакен.

На досегашните пет натпревари Норвешка на сите и постигнуваше и примаше гол. Во групата ги совладаа Ирак (4:1) и Сенегал (3:2), загубија од Франција (1:4), а во нокаут фазата ги елиминираа Брегот на Слоновата Коска (2:1) и Бразил (2:1).

Победникот од овој дуел во полуфиналето ќе игра со подобриот од дуелот Аргентина – Швајцарија што се игра ноќеска во 3 часот.