Мурињо за формата на Барселона: Шампионатот е маратон, а не брза патека

Тренерот на Реал Мадрид, Жозе Мурињо, одговори на прашање дали стравува од формата на Барселона.

По седмиот свој натпревар, каталонскиот тим е на врвот на табелата во шпанското првенство со максимални 21 бод, со постигнати 31 гол.

– Историски и културно, Реал Мадрид не може да се споредува со никого, и затоа нема да се споредувам со ниту еден тим. Зборувам за себе, и тоа го правам без двоумење, како и за нашите проблеми и што треба да се подобри.
Иако станува сè потешко да се чуе нешто позитивно за Реал Мадрид, ние продолжуваме со нашата работа, лесно препознавајќи ги нашите проблеми, но исто така препознавајќи ги и многу добрите работи што ги имаме. Првенството е маратон, а не брза патека. Во три натпревари каде што се приближувавме до последните минути, потребен ни беше гол за победа или нерешен резултат, ги завршивме со физичка и ментална сила, борбен дух и решителност.
Може слободно да се каже дека ова не е нормално. „Не е нормално да се води со 2:0 против Елче, а потоа да се прими гол во 80. минута. Но, исто така не е нормално да се создаде шанса, потоа втора, потоа трета, потоа да се постигне гол и да се победи за само неколку минути. Исто така, не е нормално да се изгуби од Бетис, да се има такво срце, потоа да се постигне неверојатен гол и да се промаши пенал, а сепак да се најде сила да се направи повеќе, рече португалскиот тренер на прес-конференцијата.

Реал Мадрид со 15 бода по шест натпревари е изедначен на второто место во Ла Лига со Бетис.

Во дербито на колото, Реал како гостин денес од 16:15 часот ќе се соочи со градскиот ривал Атлетико Мадрид.