Македонските фудбалери против Швајцарија го почнуваат новиот циклус во Лигата на нации

Македонската фудбалска репрезентација вечер против Швајцарија ќе го почне новиот циклус во Лигата на нации. „Црвено-црните“ за прв пат е играат во Б-дивизијата. Во групата Б1, покрај Швајцарија, наши противници се и селекциите на Словенија и Шкотска.

По четирите одработени тренинзи во пресрет на натпреварот, селекторот Гоце Седлоски е задоволен од односот и работата на фудбалерите.

– Од сите играчи сум презадоволен. Сите четири тренинзи ги одработија максимално и знаат што треба да работат на терен. Против секој противник треба да се игра, па така и против силната Швајцарија. Знаеме каков ростер имаат, но сакам да размислуваме пред сè за нас. Сите наши фудбалери се здрави и тренираат добро, освен Николов кој нема да настапи. Со помош на публиката верувам дека можеме до позитивен резултат. Очекуваме голема поддршка од трибините, а наше е да прикажеме добра игра, изјави Седлоски.

Швајцарија во Скопје пристигнува по настапот на Светското првенство 2026 на кое стигна до четвртфиналето.

Натпреварот ќе се игра на Националната арена „Тодор Проески“ во Скопје со почеток во 20:45 часот.