Годинава елка со изглед на „природна“ ќе го краси плоштадот во Скопје: Украсувањето ќе чини 73.000 евра
Град Скопје објави јавен повик за новогодишно украсување на главниот град, за што се предвидени околу 3,8 милиони денари без ДДВ. Со вклучен данок, проценетата вредност достигнува приближно 4,5 милиони денари, односно околу 73.000 евра.
Украсите треба да се постават најдоцна до 15 декември и ќе стојат најмалку до 15 јануари 2027 година.
– Advertisements –
Главен дел од новогодишниот амбиент ќе биде елка со висина од 13 метри, која, според техничките барања, треба да има изглед на природна елка.
Покрај неа, предвидено е поставување повеќе големи светлосни инсталации, меѓу кои елен висок приближно четири метри, декоративен подарок со висина поголема од шест метри, како и два светлосни портали.
Во празничната поставка ќе биде вклучена и тридимензионална санка исполнета со подароци, дизајнирана така што посетителите ќе можат да влезат во неа и да се фотографираат.
…
