Африканските лидери во ОН со јавен апел побараа прекин на расизмот

Група од повеќе од дваесетина високи африкански лидери  упатија јавен апел во Обединетите нации за завршување на системскиот расизам, поттикнат од атентатот врз Џорџ Флојд, јавува Си-Ен-Ен.

„Никогаш не може доволно да се каже за длабоката траума и меѓугенерациското страдање предизвикано од расната неправда што се повторува низ вековите, а особено е насочена кон луѓето со африканско потекло. Осудата на покажувањето кон расизмот едноставно не е доволна“, наведе групата африкански лидери во својот апел .

„Сега е време да преминеме од зборови на дела“, се вели понатаму во апелот.

Африканските лидери во ОН велат дека на Џорџ Флојд и на другите жртви на системскиот расизам и политичка бруталност им должат за укинувањето на расистичките институции. Лидерите посочуваат дека атентатот врз Флојд е вкоренет во поширок контекст што нема да исчезне ако го игнорираме.

Во соопштението се истакнува и дека е време ОН да излезат и да постапат одлучно за да помогнат во завршувањето на системскиот расизам против луѓето со африканско потекло и другите малцински групи и да го промовираат и охрабруваат почитувањето на човековите права и основните слободи за сите, без оглед на расата, полот, јазик, религија, како што е наведено во член 1 од Повелбата на ОН.

Меѓу потписничките на апелот, меѓудругите, се и претседателот на Светската здравствена организација, Тедрос Адана Гебрејсус и извршниот директор на Заедничката програма на ОН за ХИВ/СИДА, Вини Бјањима.

Back to top button
Close