Американски медиуми: Нетанјаху планира в понеделник да ја посети Белата куќа

– Израелскиот премиер Бенјамин Нетанјаху планира да ја посети Белата куќа в понеделник, oбјави Аксиос, повикувајќи се на четири извори.

Доколку посетата се одржи според планираното, Нетанјаху ќе биде првиот странски лидер кој лично ќе се сретне со американскиот претседател Доналд Трамп и ќе се обиде да преговара за договор за укинување на царините од 17 отсто, кои Трамп и ги воведе на земјата, пишува американскиот портал.

Се очекува лидерите да разговараат и за иранската нуклеарна криза и војната во Газа.