Анчелоти во Жезус гледа алтернатива за Мбапе

Тренерот на Реал, Карло Анчелоти, стапил во контакт со напаѓачот на Манчестер сити, Габриел Жесус и рекол дека е заинтересиран за негова преселба во мадридскиот клуб, пренесува „GOAL Brasil“.

Според изворот, Анчелоти го смета 25-годишниот Бразилец како алтернатива на напаѓачот на Пари Сен-Жермен, Килијан Мбапе, кој одби да се пресели во Реал Мадрид и го продолжи договорот со францускиот клуб.

Забележано е дека Жезус би сакал да се пресели во мадридскиот клуб и не планира да остане во Манчестер сити, како што објави главниот тренер Хосеп Гвардиола.

Во исто време англискиот клуб сака да добие 60 милиони во случај на негов трансфер.

Жезус сезоната 2021/22 постигна 13 гола и забележа 11 асистенции на 41 натпревар за Манчестер сити во сите натпреварувања. Договорот на напаѓачот со англискиот клуб е до 30 јуни 2023 година. з