Авиокомпаниите ги пренасочуваат летовите поради судирите меѓу Индија и Пакистан

Меѓународни авиокомпании ги пренасочуваат или откажуваат летовите поради ескалацијата на тензиите меѓу Индија и Пакистан, откако Индија изврши напади врз пакистански цели во Кашмир.

Индија соопшти дека целите биле места од каде се организирале напади против Индија, додека Пакистан објави дека соборил пет индиски борбени авиони.

Авиокомпаниите како „Луфтханза“ и „Кореан Ер“ веќе ги променија своите рути, а некои компании како „Сингапур Ерлајнс“ целосно го избегнуваат воздушниот простор на Пакистан.

Пакистанските власти објавија дека воздушниот простор повторно е отворен, но предупредија дека доколку конфликтот продолжи, може повторно да се воведат ограничувања.