Банирањето на руската сурова нафта, ја покачи цената за над 130 долари за барел
Соединетите Американски Држави потврдија дека се во преговори со европските сојузници за потенцијално санкционирање на руската сурова нафта како одговор на тековната агресија на Москва во Украина, со што цената на нафтата накратко е над 130 долари за барел , пишува OILPRICE.
Американскиот државен секретар Ентони Блинкен во неделата за време на ток-шоуто на „NBC Meet the Press“ истакна : „Сега сме во многу активни дискусии со нашите европски партнери за забрана на увозот на руска нафта во нашите земји, додека, се разбира, во исто време се одржува стабилно нивото на глобалното снабдување со нафта“.
