Банките во Србија и во првите три месеци од оваа година со голем профит – над 400 милиони евра
Според кварталните биланси на банките, објавени од Народната банка на Србија, златното доба на банките во Србија продолжува со нето приходи од 416,5 милиони евра. Нивните добивки, на 19 од банките – се зголемени за 42 отсто во споредба со истиот квартал лани објави „Данас“.
Лани, нето добивката на банките во Србија изнесуваше 1,3 милијарди евра, а годината пред тоа, 1,1 милијарда евра. Доколку тој резултат се повтори во преостанатите три квартали, добивката на банките во 2025 година би изнесувала речиси 1,7 милијарди евра.
Банките во Србија се уште најмногу заработуваат од каматни маржи.
За три месеци од оваа година, нето приходите од камати изнесуваа 516 милиони евра. Нето приходите од провизии достигнаа речиси 200 милиони евра во тој период.
Активата на банкарскиот сектор достигна 55,8 милијарди евра, а капиталот достигна 7,5 милијарди евра.
Најголема добивка во првиот квартал оствари Интеза банка – близу 60 милиони евра. ОТП банка – 58,9 милиони евра, Рајфајзен банка со 58,4 милиони евра и АИК банка со 57,9 милиони евра се многу блиску. Уникредит банка ги заклучува првите пет со квартална добивка од 51 милион евра.
Во првите три месеци, две банки забележаа загуба. Јетел банка беше во дефицит од два милиона евра, додека Мирабанка е во минус во тој период од 214.000 евра.
На крајот од минатата година, Рајфајзен банка оствари најголем профит – 249 милиони евра. Тие беа попрофитабилни од Интеза, што е најголемата банка на пазарот и со профит од 229 милиони евра. ОТП заработи 219 милиони евра, а Уникредит банка 200 милиони евра.
