Бебето кое исчезна од породилиште во Виена е најдено мртво во корпа за ѓубре

Бебето кое вчера исчезна од болница во Виена утрово е пронајдено мртво во корпа за отпадоци во близина на болницата, пишуваат австриските медиуми.

Како што соопштија истражителите, доенчето било завиткано во најлонска кеса, а мајката (29) на еднонеделното бебе е уапсена.

Вчера медицинската сестра забележала дека бебето не е во собата, а таму не била ниту мајката, па била повикана полиција која веднаш почнала интензивна потрага.

Ги проверувале сите автомобили, а во потрагата учествувале и кучиња трагачи.

Во текот на вечерта мајката била сослушана во полиција. Што им кажала, засега не е познато.

Сослушан е и наводниот татко на детето, чие татковство мајката не сакала да го признае, велат од полицијата.

Тој не е осомничен за кривично дело