Oпожарено возило во движење на стариот пат Тетово-Скопје
![](https://libertas.mk/wp-content/uploads/2020/06/bez-povredeni-pri-opozhareno-vozilo-vo-dvizhe-e-na-stariot-pat-tetovo-skop-e.jpg)
Нема повредени лица во пожарот што избувнал утринава околу 9 часот во возило во движење на стариот пат Тетово-Скопје.
– Утрово во 8 часот и 55 минути во СВР Тетово е пријавено дека на стариот пат Тетово-Скопје се самозапалило во движење возило марка „мерцедес“. Возилото е сопственост на фирма од Тетово, а во пожарот за среќа нема повредени луѓе. Оштетен е предниот дел од возилото, информираше тетовската полиција.
На пожарот интервенирале и припадници на тетовската територијална противпожарна единица кои за кратко време го локализирале и изгасиле огнот.