ЦУК: Падна карпа на булеварот „Никола Карев“, после влезот на касарна „Илинден“

Карпа од ридот кај касарната „Илинден“ вечерва паднала на булеварот „Никола Карев“ во Скопје, информираат од Центарот за управување со кризи (ЦУК).

Информацијата за падната карпа е добиена преку единствениот повикувачки број за итни случаи 112.

Според пријавата, карпата е падната после влезот на касарната „Илинден“.

Од ЦУК велат дека веднаш биле информирани надлежните од Град Скопје кои треба да интервенираат за отстранување на карпата.