Дац и Александар Митевски во посета на македонскиот КИЦ во Софија

Музичките ѕвезди Драган Спасов – Дац и Александар Митевски, придружувани од хармоникашот Војче Петрушев, минатата недела го посетија и Културно-информативниот центар (КИЦ) на Република Северна Македонија во Софија.

Како што информира КИЦ, тие се запознале со работата и активностите на Центарот, му го подариле нивното ЦД „Лубовен пасош“ и најавиле следни видувања во месеците што следат.

– По огромниот успех што го доживееаја во Бугарија со каверот „Корона чао“ и обработката на бугарскиот шлагер „Целувката на Ана“, Дац и Александар се многу канети артисти за настапи по медиумите, концерти во живо и друг вид соработка со бугарските колеги, се додава во информацијата на Културно-информативниот центар (КИЦ).