ДИК: Нема да има прегласување на трите гласачки места во Куманово кадешто имаше технички проблеми

На 3 места во Куманово гласањето беше прекинато поради технички проблеми, затоа што станува збор за мал број на гласови кои немаат влијание врз крајниот исход ДИК го поништи и соопшти дека нема да се прегласува.

Државната изборна комисија ги објави првичните официјални резултати од првиот круг на претседателските избори.

Според она што го соопшти претседателот на ДИК, Александар Даштевски нема отстапување од резултатите што претходно денеска ги објави Комисијата на својата официјална веб-страница. Апсолутен победник во првиот круг од изборите за шеф на државата е кандидатката поддржана од ВМРО-ДПМНЕ, Гордана Силјановска-Давкова која има 182 000 гласови повеќе од нејзиниот противкандидат поддржан од СДСМ, Стево Пендаровски, со кого повторно ќе ги одмерат силите во вториот круг, закажан за 8 мај.

Од Државната изборна комисија посочија и дека во моментов течат роковите од 48 часа за приговори до дик од учесниците во изборите.