Дизелот поскапува од полноќ, бензините остануваат со иста цена
Дизел-горивото 
поскапува за два денара за литар, одлучи денеска Регулаторната комисија за енергетика и водни услуги (РКЕ). Со одлуката се врши зголемување на малопродажните цени на нафтените деривати во просек за 0,53 отсто.
Новата малопродажна цена на еуродизел БС ќе изнесува 78 денари за литар, еуросупер БС-95 и понатаму ќе се продава за 81,5, еуросупер БС-98 за 83,5, а екстра лесното масло за горење за 77 денари за литар, додека цената на мазутот М-1 НС останува 41,266 денари за килограм.
Од РКЕ посочуваат дека референтните цени на нафтените деривати на светскиот пазар во споредба со претходната пресметка бележат зголемување кај бензините во просек за 1,301 отсто, кај дизелот за 3,867, кај екстра лесното масло за 1,667 и кај мазутот за 1,424 отсто. Курсот на денарот во однос на доларот во изминатиот период е повисок за 0,075 отсто.
