Едноставна навика пред појадок може да ви го саботира слабеењето
Луѓето кои сакаат да изгубат вишок килограми најчесто се фокусираат на тоа што јадат за појадок, а всушност не знаат дека постои една клучна навика што може да им го уништи напредокот. Кога станува збор за првиот оброк во денот, постои тенденција да се фокусираме на изборот помеѓу каша, кајгана или целосно прескокнување на појадокот, но се покажува дека постои клучна практика пред појадок што често се занемарува, а која може да го одреди успехот или неуспехот на диетата.
Имено, доктор специјализиран за слабеење, Френклин Џозеф, објасни дека, иако акцентот обично се става на хранлив појадок, она што го правите пред јадење може да биде скриениот виновник за незадоволителните резултати од слабеењето.
„Повеќето луѓе се будат и одат директно во кујната или земаат кафе без размислување“, изјави тој.
Тој го гледа ова како пропуштена „златна“ можност за подобрување на согорувањето на мастите, зголемување на нивото на енергија и природно потиснување на апетитот со тоа што нема да го активирате вашето тело веднаш наутро. Грешката што ја правите во тој случај е занемарување на хидратацијата.
„Вашето тело губи вода преку ноќ преку дишење и потење. Ако не ја надоместите таа вода веднаш, денот ќе го започнете во состојба на блага дехидратација, што може да го забави вашиот метаболизам, да предизвика желба за шеќер и да ве остави да се чувствувате уморни и поспани“, објасни тој.
За да се максимизираат резултатите, професорот Џозеф советува да пиете најмалку 400 до 500 милилитри вода во рок од половина час по будењето. Додавањето прстофат висококвалитетна морска сол или додаток на електролити може дополнително да ја зголеми апсорпцијата.
„Електролитите можат да направат голема разлика, особено ако се разбудите чувствувајќи се заморени или ако сте биле активни. Тие ја поддржуваат хидратацијата на клеточно ниво, помагајќи ви да се чувствувате поостри и поенергични“, забележа тој.
Затоа, прескокнете го утринското кафе ако сакате да ослабете неколку килограми. Тоа би можело да ги саботира вашите напори.
„Кофеинот првото нешто наутро ги зголемува нивоата на кортизол – главниот хормон на стрес во телото – што може да се меша во губењето на маснотии, да го зголеми складирањето на маснотии на стомакот и да ве направи да се чувствувате поанксиозни“, рече експертот.
Се препорачува да се воздржите од кофеин 60 до 90 минути по будењето и хидрирањето. Џозеф рече дека ова му дава време на вашето тело да го балансира кортизолот и подобро да ги управува нивоата на енергија во текот на денот. Хидратацијата не е само клучна за вашиот метаболизам, туку е и од витално значење за контрола на апетитот.
Започнувањето на денот со вода, додавањето малку сол или електролити и давањето време на телото да се смири пред да посегнете по кофеин или појадок е еден од најлесните начини да го поддржите губењето на мастите без премногу размислување.
