Египет ја совлада Шпанија за пласман во нокаут фазата на Олимписките игри

Фудбалската репрезентација на Египет обезбеди пласман во нокаут фазата на Олимписките игри и пред денешниот дуел од третото коло со шпанската селекција, исто како и „црвената фурија“, само нивниот меѓусебен дуел требаше да одлучи кој ќе го продолжи натпреварувањето од прво место во групата Ц.

„Фараоните“ победија со 2:1 (1:0), што теоретски би требало да им донесе малку полесен ривал од групата Д во четвртфиналето.

Ниту тоа што натпреварот траеше уште петнаесетина минути по регуларното време, поради прекините поради лекарска помош на фаулирани поединци, не беше доволен за комбинираниот тим од Пиринеите да не потсети на фактот дека подобро се игра фудбал на Стариот отколку на Црниот континент.

Египќаните двата гола ги постигнаа навреме, по еден во секое полувреме. И двата пати стрелец беше Ибрахим Адел. Најпрвин Зизо му ја додаде топката во 40. минута, а потоа упати ефектен и прецизен удар од работ на шеснаесетникот. Потоа налета на топката во шеснаесетникот и со удар во долниот лев агол (62) го совлада голманот.

Саму Омородион, кон самиот крај, само од скок-шут, оставен непречено да чека странична асистенција, ја намали разликата и му даде лажна надеж на својот тим. Сепак противникот знаеше да го заштити триумфот и да симне голем „скалп“, без разлика што Шпанија во Париз не е таа што неодамна ја освои европската титула во Германија.

Олимписки игри, група Ц, 3.коло:

Доминиканска Република – Узбекистан 1:1 (0:0)
/Нунез 51. пен. – Одилов 58/

Шпанија – Египет 1:2 (0:1)
/Оморидион 90 – Адел 40, 62/.