(ФОТО) Филипче на Твитер одговори на барањата на ВМРО-ДПМНЕ за негова оставка

На фотографијата е забележително дека ниту еден од присутните на состанокот на Патриотскиот институт нема заштитна маска, ниту пак е запазено растојание, што го предвидуваат протоколите за организирање на настани.

Министерот за здравство Венко Филипче, кој од почетокот на пандемијата постојано е активен на социјалните мрежи со промовирање на превентивните мерки и со апели за нивно почитување, вчеравечер на Твитер објави твит со иронична содржина, која е директна критика на кршењето на протоколите за заштита од корона вирус од опозициската ВМРО-ДПМНЕ.

„Состанок на ВМРО-ДПМНЕ за барање одговорност од власта за коронавирусот“,

е содржината на твитот која стои над фотографија на која е претседателот на Патриотскиот институт на опозициската партија, Александар Пандов и триесетина членови ил симпатизери на партијата.На фотографијата е забележително дека ниту еден од присутните нема заштитна маска, ниту пак е запазено растојание, што го предвидуваат протоколите за организирање на настани.

Твитот на Филипче е одговор на постојаните барања од ВМРО-ДПМНЕ за негова оставка, особено изминатите неколку недели откако нагло порасна бројот на заразени во земјава, при што него директно го обвинуваат за погрешна политика во справување со пандемијата.