Фото + Видео: Мелони во посета на Трамп, пречекана со аплауз: „Тука сум со фантастична жена“

05.01.2025 10:24
666 Читање помалку од 1м

Вчера, италијанската премиерка Џорџија Мелони го посети новиот претседател на САД Доналд Трамп во неговото одмаралиште Мар-а-Лаго во Флорида. Таа беше пречекана со овации и е меѓу првите лидери од ЕУ, и од светот, што го посетува Трамп откако тој беше по вторпат избран за претседател.

„Ова е многу возбудливо. Тука сум со фантастична жена, премиерката на Италија. Таа навистина ја освои Европа, а и останатиот свет, и ноќва само заедно ќе вечераме“, рече Трамп.

Мелони сакаше да се сретне со претседателот за да ја зацврстат врската пред иаугурацијата на 20 јануари. Таа исто така оствари комуникација и со Илон Маск којшто е клучен сојузник на новиот претседател. САД се чинат одлични кандидати за партнерство со Италија со оглед на конзервативна десничарска идеологија на примериерката.

Според италијанските медиуми премиерката сакала да ја дискутира руската војна во Украина, трговските прашања, Блискиот Исток и ситуацијата со италијанската новинарка, Сесилија Сала, која беше заробена во Иран.

Се очекува и средба помеѓу Мелони и Џо Бајден кој неделава ќе патува во Италија кадешто тој ќе оствари средба и со папата.

Back to top button
Close