Герини: Условите за посета на Макрон на Украина засега не се исполнети

Францускиот министер за трансформација Станислас Герини вели дека условите за посета на претседателот Емануел Макрон на Украина засега не се исполнети, јави дописникот на МИА од Париз.

На прашањето дали треба да се очекува претстојна посета на Макрон, со оглед на фактот дека многу политички лидери, меѓу кои Борис Џонсон и Џастин Трудо, како и Џил Бајден…беа кај украинскиот претседател Володимир Зеленски, Гуерини за ЛЦИ изјави дека „волјата на претседателот на Републиката е да оди таму кога неговата посета ќе отклучи нешто“.

„Можеме јасно да видиме дека сме во долг конфликт во процесот на заглавување. Посетата на претседателот на Републиката да биде кога можеби ќе има гест на деескалација, одлучувачки момент во конфликтот. Не сум сигурен дека се уште се исполнети условите“, рече Гуерини.

Шефот на украинската дипломатија Дмитро Кулеба за ЛЦИ рече дека „тој е добредојден, не е важно кога“.

„Би било добро господинот Макрон да дојде за време на француското претседателство со ЕУ, а најдобро би било тој да дојде со други испораки на оружје за Украина“, рече кулеба.