Голема победа на Вучиќ во првиот круг на претседателските избори во Србија

Според првичните неофицијални резултати од претседателските избори во Србија, актуелниот претседател, Александар Вучиќ освоил 59,8 отсто од гласовите што е повеќе од неопходните 50 отсто за победа во првиот круг, додека второпласираниот Здравко Понош освоил 17,3 отсто, објави „Блиц“.

Во однос на парламентарните избори, Српската напредна партија предводена од Александар Вучиќ според досега пребројаните гласови е во водство со 51,55 осто од обработени речиси 10 проценти од избирачките места. Зад нив е СПС на Ивица Дачиќ со 13,26 проценти од гласовите.

Излезноста на изборите во Србија изнесува 58,79 отсто што е најмногу во последните 10 години.