Граничниот премин Евзони блокиран за влез и излез

Од 11:00 часот претпладнево, сообраќајот на граничниот премин Евзони (Богородица) е ставен во целосен прекин за влез и излез од државата.

Причината за прекинот е нов протест на грчките земјоделци кои ја блокираа границата.

Проблеми во одвивањето на сообраќајот има и на граничниот премин Ники (Меџитлија). Таму, според информациите, сообраќајот е блокиран само за товарни возила и автобуси, додека патничките автомобили се пропуштаат.

Единствен премин каде сообраќајот се одвива непречено е Дојран. Сепак, поради блокадеите на другите два премини, таму е забележан зголемен интензитет на возила, поради што се очекуваат задоцнувања и чекање при влез во државата.