Хрватски медиуми: Тот бил претепан во клуб, видео-снимките се избришани    

Хрватските медиуми со големо внимание ја следат ситуација со ракометарот на Бутел, Денис Тот, кој се наоѓа во критична состојба по вчерашното претепување во Скопје.

Според порталот „Вечерњи“ хрватскиот ракометар бил претепан во ноќниот клуб „Привилиџ“, а снимките од безбедносните камери биле избришани.

– Инцидентот се случил во ноќниот клуб „Privilege“, а снимките се избришани. Некој знае што прави, пишува порталот повикувајќи се на лице познато на редакцијата.

Денис Тот има бројни повреди по целото тело, многу фрактури и најверојатно е удиран со тапи предмети, но и со раце и нозе.

Тот пристигна во Бутел од Охрид. Дел од кариерата мина во шпанскиот гигант Адемар Леон, а играше и за австриски Брук и Пореч и Бјеловар.

Родителите на 27-годишниот ракометар допатуваа во Скопје.

Се очекува во текот на денешниот ден, МВР да даде официјални информации за инцидентот