ИРУ ќе одржи Конгрес за избор на ново раководство

 Во пресрет на 50 години од одржувањето на Првиот Светски конгрес на Ромите, Интернационалната Ромска Унија (ИРУ) денеска преку видео конференциска врска ќе го одржи својот 11-ти Конгрес на кој ќе избира ново раководство.

На Конгресот ќе се избира претседател за нов мандат во траење од четири години. Актуелен претседател на ИРУ е Зоран Димов.

Во својот состав, Конгресот на ИРУ брои 100 делегати и членови од над 55 држави, од сите континенти.

-Како претходница на овој Конгрес ИРУ организираше уште други пет континентални видео конференции со своите делегати и членство од Северна и Јужна Америка, Азија, Африка, Австралија и Европа  во периодот од 22 до 25 јуни 2020 година. За првпат во историјата на ИРУ, покрај членството и делегатите на ИРУ својот глас за повалиден и поширок добиен мандат ќе биде спроведен и со гласање на Ромите од целиот свет преку Веб платформата на ИРУ со гласање преку електронска пошта, се наведува во соопштението на ИРУ.