Кир Стармер нареди да се отстрани портретот на Маргарет Тачер од Даунинг стрит 10

Британскиот премиер Кир Стармер нареди да се отстрани портретот на поранешната премиерка Маргарет Тачер од Даунинг стрит 10, изјави биографот на Стармер, Том Болдвин.

Болдвин на собирот на саемот на книгата во Глазгов изјави дека разговарал со Стармер откако ја презеде функцијата премиер во поранешната канцеларија на Маргарет Тачер, каде што беше изложен нејзиниот портрет и дека Стармер рече дека ќе нареди да се симнат портретот, пишува Гардијан.

Портретот на Тачер, насликан од Ричард Стоун, е нарачан од поранешниот британски премиер Гордон Браун, кој ја извршуваше функцијата од 2007 до 2010 година, а беше откриен на приватен прием во 2009 година.

Уметничкото дело од 100.000 фунти (119.000 евра), платено од анонимен донатор, беше првиот портрет на поранешен премиер нарачан од Даунинг стрит 10.