Клеверли: Мировните преговори не смеат да бидат параван за руското вооружување

epa08126931 Chairman of the Conservative Party James Cleverly arrives for a cabinet meeting at 10 Downing Street in London, Britain, 14 January 2020. EPA-EFE/ANDY RAIN

Какви било мировни преговори во Украина не смеат да бидат параван за руското повторно вооружување, изјави денеска британскиот министер за надворешни работи Џејмс Клеверли, додавајќи дека не гледа индикации дека Москва ќе влезе во разговорите со добра волја.

Клеверли повтори дека Украина треба да постави услови за можни мировни преговори, иако Британија би сакала тие да се реализираат „порано отколку подоцна”.

„Какви било преговори треба да бидат реални, тие мора да бидат значајни, не можат да бидат само смоквин лист за руското повторно вооружување и понатамошно регрутирање”, изјави Клеверли за Скај њус.

„Не гледам ништо што доаѓа од руска страна што би ме убедило дека (рускиот претседател) Владимир Путин добронамерно влегува во овие преговори. Пошироката реторика и натаму е многу воинствена”, додаде Клеверли.

Back to top button
Close