Кулеба: Украина се засити од специјални решенија за интеграција во ЕУ

 Украина се засити од „специјални решенија” и од одвоени модели за интеграција во Европската унија, изјави денеска министерот за надворешни работи на таа земја Дмитро Кулеба.

„Потребна ни е јасна правна потврда дека Украина е дел од проектот за европска интеграција, а таквата потврда би било давање кандидатски статус”, порача Кулеба по состанокот со француската колешка Катрин Колона во Киев.