Мецола стана нова претседателка на Европскиот парламент

Малтежанката Роберта Мецола е избрана за нов претседател на Европскиот парламент. Од 690 присутни, за неа гласале 458 пратеници. Прифаќајќи ја функцијата, Мецола истакна дека сака луѓето да го вратат чувството на верба и ентузијазам за европскиот проект.

-Во следните години, луѓето ширум Европа ќе бараат од нашата институција водство и насоки, додека другите ќе продолжат да ги тестираат границите на нашите демократски вредности и европски принципи. Мораме да се бориме против негативниот наратив кон Европската унија, кој се прифаќа толку лесно и брзо – рече Мецола во своето обраќање по изборот.