Меркел бара дијалогот со Русија да продолжи

Германската канцеларка Ангела Меркел смета дека е потребно да продолжи дијалогот со Русија, и покрај постојните разлики во односите со таа земја.

Канцеларката Меркел ова го нагласи преку видео конференција во обраќањето за време на пролетната сесија на Парламентарното собрание на Советот на Европа (ПССЕ).

– Треба да разговараме едни со други, потенцира канцеларката, додавајќи дека во моментов има „многу конфликти што ги комплицираат односите“ со Русија.

– Во случајот на Украина и анексијата на Крим, Германија и Франција го создадоа форматот Минск како долгогодишен механизам во кој ги поддржуваме украинските интереси, нагласи канцеларката.

Според неа, ситуацијата во источна Украина е многу тензична, особено по распоредувањето руски сили на украинската граница.

– Треба да го продолжиме дијалогот, изјави Меркел.

Back to top button
Close