Мицкоски: Ако има вонреден конгрес нема ни да се кандидирам

Лидерот на ВМРО-ДПМНЕ, Христијан Мицкоски не одговори прецизно на прашањето дали чувствува лична одговорност за изгубените избори на вечерашното интервју на Топ Тема на Телма. Тој порача дека и лидерот на СДСМ, Зоран Заев губел на избори, па не се повлекол од претседателското место на партијата.

Својата лична одговорност ја покажал со доставувањето на иницијатива за вонреден конгрес на партијата која Централниот комитет едногласно ја одбил. Иако тој го повикал Иницијативниот одбор за реформи во ВМРО-ДПМНЕ да достават иницијатива за вонреден конгрес, сепак тие не доставиле па морал сам да поднесе иницијатива.