На Онкологија не се испитуваат тумор-маркери, пропаднал тендерот за материјал

На Клиниката за радиотерапија и онкологија во Скопјe во моментов не се врши испитување на тумор-маркери, затоа што е откажана јавната набавка, а пациентите ова испитување мора да го направат во други јавни лаборатории, пишува „Порталб“.

Повеќегодишна пациентка на Клиниката вчера била на редовен преглед и вели дека докторот ѝ рекол оти не можат да испитаат тумор-маркери бидејќи немале материјал.