Над 50 деца убиени во Газа во два дена, реагира УНИЦЕФ

Според Кетрин Расел, извршната директорка на УНИЦЕФ, убиствата се случиле при напад на две резидентни згради во кои стотици луѓе биле во засолниште.

„Овие напади се дополнителен пример за сериозните последици од неселективните напади врз цивили во Газа“изјави Расел повикувајќи го Израел на одговорност.

Напади биле извршени и во Шеик Радван, каде според палестинските власти биле повредени шест цивили, од нив четири деца.

Портпаролот на израелската војска, Надав Шошани ја отфрли одговорноста, тврдејќи дека Израел воопшто не извршил напади врз посочената област.

Додека сето ова се случува, иранскиот врховен лидер, ајатолахот Али Хамнеи рече дека Израел и неговите сојузници ќе се соочат со „разорен одговор“.