Нова ДНК технологија може да го отстрани ХИВ вирусот од клетките
Научници велат дека успешно елиминирале ХИВ од заразените клетки, користејќи ја технологијата за уредување на гени Crispr, добитник на Нобеловата награда, пишува Би-би-си.
Станува збор за технологија која, на молекуларно ниво, ја сече ДНК-та за да може да се отстранат или деактивираат „лошите“ делови.
Се надеваме дека на крајот ќе можеме целосно да го ослободиме телото од вирусот, иако е потребна многу повеќе работа за да се провери дали процесот е безбеден и ефикасен.
Постојните лекови за ХИВ можат да го запрат вирусот, но не и да го елиминираат. Тимот на Универзитетот во Амстердам, презентирајќи синопсис или апстракт од нивните рани наоди на медицинската конференција оваа недела, нагласи дека нивната работа останува само „доказ за концептот“, но во скоро време нема да стане лек за ХИВ.
И д-р Џејмс Диксон, вонреден професор за технологии за матични клетки и генска терапија на Универзитетот во Нотингем, се согласува, велејќи дека целосните наоди сè уште бараат проверка.
„Ќе биде потребна многу повеќе работа за да се демонстрираат резултати во овие клеточни анализи“, рече тој. „Ќе биде потребен многу повеќе развој пред тоа да има влијание врз лицата кои живеат со ХИВ.
…
