Облачно време со повремени врнежи од дожд

Времето денеска ќе биде променливо облачно со повремени врнежи од дожд и појава на грмежи, информираат од Управата за хидрометеоролошки работи (УХМР).

Минималната температура ќе биде од 4 до 10 степени, а максималната од 11 до 18 степени.

Во Скопје ќе биде облачно со повремен дожд и услови за ретки грмежи. Минималната темепература ќе се спушти до 9, а максималната ќе достигне 15 степени.

Облачно време со врнежи од дожд се очекува и до крајот на неделата. Потоа, според најавите на УХМР, следува поладно време, со пониски температури