Од автомобил во движење застрелани луѓе на Флорида, најмалку 10 ранети

Најмалку 10 лица се ранети во пукотница што се случи во понеделникот попладне во Лејкленд, Флорида, информира полицијата, соопштија од Си-Би-Ес Њуз.

Началникот на полицијата во Лејкленд, Сем Тејлор, рече дека се трага по напаѓачите и се сомнева дека нападот не бил случаен.

Тејлор рече дека две лица се во критична состојба. Едниот е на операција, а другиот или на операција или на пат кон болница, во моментот на прес-конференцијата. Лицата кои беа тешко повредени се застрелани во стомакот и вилицата, изјави началникот на полицијата, пренесува Си-Би-Ес Њуз.

Останатите осум лица се здобиле со повреди кои не се опасни по живот, додаде тој. Еден од нив се здобил со рана од рикошет куршум, вели тој.

Сите ранети се возрасни мажи на возраст меѓу 20 и 35 години, прецизира Тејлор.

„Никогаш вакво нешто не се случило во Лејкленд“, рече тој.

Тејлор наведува дека пукањето се случило околу 3 часот и 45 минути попладне и дека пукотниците биле испукани од сите четири прозорци на бавно автомобилот Нисан кој движел бавно. Сведоците го опишаа автомобилот како темносина.