Од денеска нормализиран сообраќајот на делницата Демир Капија – Смоквица

Од АМСМ информираат дека од денеска се нормализира сообраќајот на делницата Демир Капија – Смоквица откако беше завршено санирањето на тунелите Демир Капија 1 и 2 на автопат А1.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони.

Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.