Ѓоковиќ ќе може да игра во САД

30.03.2023 11:12
754 Читање помалку од 1м

Најдобриот српски тенисер Новак Ѓоковиќ ќе може да игра на турнири на територијата на САД, бидејќи американскиот Сенат гласаше за укинување на националната декларација за вонредна состојба предизвикана од пандемијата на корона вирусот, објави денес „Си-ен-ен“.

epa09688753 (FILE) – Novak Djokovic of Serbia reacts during the final match against Daniil Medvedev of Russia at the Rolex Paris Masters tennis tournament in Paris, France, 07 November 2021 (reissued 16 January 2022). Djokovic lost court appeal against deportation from Australia and will not be able to defend his Australian Open title in Melbourne. EPA-EFE/CHRISTOPHE PETIT TESSON

Американските медиуми јавуваат дека американскиот претседател Џо Бајден ќе ја потпише оваа одлука, бидејќи првиот човек на САД најави дека нема да стави вето.

Сенатот со 68 гласа „за“ и 23 „против“ донесе одлука за прекин на вонредната состојба. Според сегашните правила, странските државјани кои не се вакцинирани против корона вирусот не можат да патуваат во САД. Оваа одлука го спречи Ѓоковиќ претходниот период да отпатува за САД и да игра на турнирите во оваа земја.

Србинот годинава ги пропушти турнирите во Индијан Велс и Мајами, а по најновата одлука на американските власти, тој ќе може да настапи на летната американска турнеја и на УС Опен, кој е закажан од 28 август до септември.

Back to top button
Close