Ѓоковиќ го освои 40. трофеј на Мастерс 1000. турнирите

Најдобриот светски тенисер Новак Ѓоковиќ по седми пат во кариерата триумфираше на Мастерс турнирот од серијата 1.000 во Париз, совладувајќи го вечерва во финалето бугарскиот тенисер Григор Димитров со 6-3, 6-3.

За 36-годишниот српски тенисер ова е јубилејна 40. титула на Мастерс 1.000 турнирите, а вкупно 97. освоен трофеј во кариерата.

Од друга страна, 32-годишниот Димитров остана на осум освоени турнири во кариерата.

Бугаринот последен пат триумфираше пред шест години на АТП финалниот турнир.