Јордан соопшти дека нема наредба за евакуација на аеродромот или пристаништето во Акаба, според државната телевизија има сирени за воздушен напад

Јордан ги демантираше извештаите за наредба за евакуација на аеродромот или пристаништето во градот Акаба.

Јорданските власти денеска не издадоа никаква наредба за евакуација на аеродромот или пристаништето во Акаба и не открија никакви потенцијални закани во последните часови, објави државната новинска агенција, цитирајќи го портпаролот на Владата.

Амбасадата на САД во Аман претходно соопшти дека пристаништето и меѓународниот аеродром во Акаба се евакуирани поради „конкретна и веродостојна закана“, без да даде дополнителни детали.

Државната телевизија објави дека во Јордан се огласиле сирени за воздушен напад.

Израелската војска денеска соопшти дека пресретнала ракети испукани од Иран кон јорданското пристаниште Акаба, кое се граничи со израелска територија, и предупреди дека тие би можеле да паднат во јужен Израел